சென்னை பாக்ஸ் ஆஃபிஸில் மீண்டும் முதலிடத்தை பிடித்துள்ளது வெங்கட்பிரபுவின் சரோஜா.
வெளியான முதல் வாரம் சரோஜாவை பின்னுக்குத் தள்ளி முதலிடத்தை ஜெயம் ரவியின் தாம்தூம் படம் கைப்பற்றியது. பிறகு முதலிடத்திற்கு முன்னேறிய சரோஜாவை காதலில் விழுந்தேன் படம் மீண்டும் இரண்டாம் இடத்துக்கு தள்ளியது.
உலகம் உருண்டை அல்லவா? இதோ மீண்டும் முதலிடத்தில் சரோஜா.
ஏறக்குறைய 19 லட்ச ருபாய் வசூலித்து முதலிடத்தில் சரோஜாவும், 16 லட்சம் வசூலித்து காதலில் விழுந்தேன் இரண்டாம் இடத்திலும் உள்ளன. முன்றாம் இடம் சக்கரக்கட்டிக்கு. நான்காவது இடத்தில் துரை. ஐந்தாவது இடத்தை பொய் சொல்ல போறோம் பிடித்துள்ளது.
தீபாவளிக்கு புதிய படங்கள் வரிசைகட்டுவதால் பாக்ஸ் ஆஃபிஸில் மாற்றத்தை எதிர்பார்க்கலாம்.
