துள்ளுவதோ இளமை, காதல் கொண்டேன், 7G ரெயின்போ காலனி படங்களின் ஒளிப்பதிவாளர் அரவிந்த் கிருஷ்ணா. யுவன் ஷங்கர் ராஜா, செல்வராகவன் இருவருடன் அரவிந்த் கிருஷ்ணா உருவாக்கிய நிறுவனம் ஒயிட் எலிஃபெண்ட்ஸ்.
இந்த நிறுவனம் சார்பாக திருடன் போலீஸ் என்ற படத்தை தயாரிப்பதாக முடிவானது. இயக்குனர் அரவிந்த் கிருஷ்ணா. ஹீரோ தனுஷ். பத்திரிக்கைகளில் விளம்பரமும் கொடுத்தார்கள்.
இந்நிலையில் செல்வராகவனுடன் ஏற்பட்ட கருத்து வேறுபாட்டால் ஒயிட் எலிஃபெண்ட்ஸ் நிறுவனத்திலிருந்து வெளியேறினார் அரவிந்த் கிருஷ்ணா. ஆனால், அவரது இயக்குனர் கனவு மட்டும் அவரது மனதை விட்டு வெளியேறவில்லை.
விரைவில் ஜி.வி. ஃபிலிம்ஸ் தயாரிக்கும் படத்தை இயக்குகிறார் அரவிந்த் கிருஷ்ணா. படத்தில் மாதவனை ஹீரோவாக நடிக்க வைக்க முயற்சிகள் நடந்து வருகின்றன.
