கோலிதான் இந்திய அணியின் முதுகெலும்பு… பாகிஸ்தான் வீரர் புகழாரம்!

பாகிஸ்தான் வேகப்பந்து வீச்சாளர் ஷஹீன் ஷா அப்ரிடி தற்போது பாகிஸ்தான் கிரிக்கெட் அணியின் பந்துவீச்சு மையமாக உள்ளார். தொடர்ந்து அணிக்காக சிறப்பான பந்துவீச்சை வீசிவரும் அவர் பேட்ஸ்மேன்களுக்கு சிம்ம சொப்பனமாக விளங்கி வருகிறார்.

சமீபத்தில் நடந்த ஆசியக் கோப்பை தொடரில் இந்திய அணிக்கு எதிரான போட்டியில் இந்திய அணியின் மூத்த பேட்ஸ்மேன்களான ரோஹித் ஷர்மா மற்றும் விராட் கோலி ஆகியோரின் விக்கெட்களைக் கைப்பற்றி நிலைகுலைய வைத்தார்.

இந்நிலையில் இந்திய அணியின் பேட்டிங் வரிசை பற்றி பேசியுள்ள ஷாகீன் அப்ரிடி “விராட் கோலி ஒரு லெஜண்ட் பிளேயர். அவர்தான் இந்திய கிரிக்கெட்டின் முதுகெலும்பு. ரோஹித் விக்கெட் எடுத்ததை விட நான் கோலியின் விக்கெட்டை எடுத்ததையே பெரியளவில் கொண்டாடுவேன்” எனக் கூறியுள்ளார்.