Publish Date: Fri, 27 Oct 2023 (06:56 IST)
Updated Date: Fri, 27 Oct 2023 (07:08 IST)
பெங்களூருவில் நேற்று நடந்த உலகக்கோப்பைப் போட்டியின் லீக் ஆட்டத்தில் நடப்பு சாம்பியன் இங்கிலாந்து அணியை, 8 விக்கெட் வித்தியாசத்தில் இலங்கை அணி தோற்கடித்தது. இதன் மூலம் இந்த தொடரில் நான்காவது தோல்வியைப் பதிவு செய்துள்ளது இங்கிலாந்து அணி. இதனால் அந்த அணியின் அரையிறுதி வாய்ப்பு கிட்டத்தட்ட காலியாகியுள்ளது. இதுவரை 5 போட்டிகளில் விளையாடியுள்ள இங்கிலாந்து அணி ஒரு வெற்றி மட்டுமே பெற்றுள்ளது.
இதையடுத்து நடப்பு சாம்பியனான இங்கிலாந்து அணியை அந்த நாட்டு பல முன்னாள் வீரர்கள் கடுமையாக சாடி வருகின்றனர். அதில் இங்கிலாந்தின் முன்னாள் கேப்டன் மைக்கேல் வாஹனும் ஒருவர். அவர் தன்னுடைய அதிருப்தியை “இது இங்கிலாந்து கிரிக்கெட் வரலாற்றில் மிக மோசமான உலகக் கோப்பை பிரச்சாரங்களில் ஒன்றாக மாறி வருகிறது” என எக்ஸ் தளத்தில் தன்னுடைய வேதனையை வெளிப்படுத்தியுள்ளார்.
