பிரபல நடிகர் விஜய் தேவரகொண்டா நடிப்பில் சமீபத்தில் லைகர் திரைப்படம் வெளியாகி கவனத்தை ஈர்த்தது.
விஜய் தேவரகொண்டா- இயக்குனர் பூரி ஜெகன்னாத் – தயாரிப்பாளர் கரண் ஜோஹர் ஆகியோர் கூட்டணியில் உருவாகியுள்ள லைகர் திரைப்படம் ஆகஸ்ட் மாதம் 25 ஆம் தேதி இந்தியா முழுவதும் வெளியானது. இந்த படத்தில் அமெரிக்க குத்துச் சண்டை வீரர் மைக் டைசன் ஒரு முக்கியமானக் கதாபாத்திரத்தில் நடித்திருந்தார். இது இந்த படத்தின் மீது கூடுதல் கவனத்தை ஈர்த்துள்ளது. ஆனால் ரிலீஸூக்கு பின்னர் மிக மோசமான விமர்சனங்களைப் பெற்று வருகிறது. இதனால் படத்தின் வசூல் பெரியளவில் பாதிக்கப்படும் என சொல்லப்படுகிறது.
இந்நிலையில் சமீபத்தில் நடந்த இந்தியா பாகிஸ்தான் போட்டியைக் காண அவர் துபாய்க்கு வருகை தந்திருந்தார். அப்போது அவர் தெலுங்கு வரணனைக் குழுவோடு உரையாடினார். அப்போது அவரிடம் எந்த வீரரின் பயோபிக்கில் நடிக்க ஆசை எனக் கேட்கப்பட்டது.
அதற்கு பதிலளித்த விஜய் “தோனியின் பயோபிக்கில் நடிக்க ஆசைப்பட்டேன். ஆனால் அது ஏற்கனவே உருவாகி விட்டது. அதனால் இப்போது விராட் கோலியின் பயோபிக் உருவானால் அதில் நடிக்க ஆசைப்படுகிறேன்” எனக் கூறியுள்ளார்.’