ஐபோன் வெடித்ததில் இளைஞர் படுகாயம்

ஆஸ்திரேலிய நாட்டில் உள்ள சிட்னி நகரில் கரீத் க்ளீயர் என்ற நபர், மேலாண்மை ஆலோசகராக பணியாற்றி வருகின்றார். இவர் ஐபோன் 6 என்ற கைபேசியை பயன்படுத்துகிறார்.

இந்நிலையில், இவர், தன்னுடைய பின்பக்க பாக்கெட்டில் ஐபோனை வைத்து, இரு சக்கர வாகனத்தில் பயணித்து போது வாகனத்தில் இருந்து தவறி விழுந்துள்ளார். அப்போது, அவருடைய பாக்கெட்டில் இருந்த ஐபோன், திடீரென தீப்பிடித்துள்ளது. இதை உணர்ந்த கரீத், உடனடியாக அதனை எடுக்க முயன்றுள்ளார். ஆனால் அதற்குள் ஐபோன் வெடித்துள்ளது. இதில், அவருடைய உடலில் பலத்த காயம் ஏற்பட்டது. தற்போது, அவர்  சிட்னியில் உள்ள ராயல் நார்த் ஷோர் மருத்துவமனையில் சிகிச்சை எடுத்து வருகிறார்.