ட்விட்டர் நிறுவனத்தை வாங்கிய எலான் மஸ்க் அதில் இருந்த குருவி லோகோவுக்கு பதிலாக சீம்ஸ் நாய் லோகோவை இடம்பெற செய்துள்ளது வைரலாகியுள்ளது.
உலகம் முழுவதும் பலரால் பயன்படுத்தப்பட்டு வரும் ட்விட்டர் சமூகவலைதள நிறுவனத்தை சமீபத்தில் உலக கோடீஸ்வரரான எலான் மஸ்க் வாங்கினார். அதன் பின்னர் அதில் ப்ளூ டிக்குகள் பெற கட்டணம், பணியாளர்கள் வேலை நீக்கம் என அவர் தொடர்ந்து எடுத்து வரும் நடவடிக்கைகள் சர்ச்சைக்கு உள்ளாகி வருகிறது.
இந்நிலையில் சில நாட்கள் முன்னர் ட்விட்டரின் புதிய சிஇஓ இவர்தான் என ஜப்பானிய நாயான ஷிபா இனுவின் படத்தை பதிவிட்டிருந்தார், இந்த ஷிபா இனு சீம்ஸ் என்ற பெயரில் மீம் மெட்டீரியலாக புகழ்பெற்றதாக உள்ளது. இந்நிலையில் இதுநாள் வரை ட்விட்டரின் லோகாவாக இருந்து வந்த நீலக்குருவி லோகோவை திடீரென நீக்கிவிட்டு சீம்ஸ் நாயின் படத்தை லோகோவாக இடம்பெற செய்துள்ளார் எலான் மஸ்க். இது ட்விட்டர் பயனாளர்களுக்கு அதிர்ச்சியை ஏற்படுத்தியுள்ளது.
