அமெரிக்க அதிபராக கடந்த ஜனவரி மாதம் பதவியேற்ற டொனாட் டிரம்ப் அவ்வப்போது சர்ச்சைக்குரிய அதிரடி உத்தரவுகளை பிறப்பித்து வரும் நிலையில் நேற்று அமெரிக்க ராணுவத்தில் திருநங்கைகளுக்கு இடமில்லை என்று அறிவித்துள்ளார். இதற்கு முன்னாள் திருநங்கை ராணுவ வீரர்கள் கடும் கண்டனம் தெரிவித்துள்ளனர்.
இதுகுறித்து அதிபர் டிரம்ப் தனது டுடிவிட்டரில் கூறியிருப்பதாவது, 'அமெரிக்க ராணுவத்தில் திருநங்கைகளுக்கு அனுமதி கிடையாது. இதை எனது ஜெனரல்கள் மற்றும் ராணுவ நிபுணர்களுடன் ஆலோசித்த பின்னரே பரிந்துரை செய்கிறேன்.
ராணுவத்தில் இருக்கும் திருநங்கைகளால் அதிக மருத்துவ செலவு மற்றும் பிளவுகள் இருப்பதால் இந்த முடிவு எடுக்கப்பட்டுள்ளது. நம்முடைய ராணுவம் மிகப்பெரிய வெற்றிகளில் கவனம் செலுத்த வேண்டும் என்று டிரம்ப் தெரிவித்துள்ளார். டிரம்பின் இந்த அறிவிப்பால் சுமார் 13 லட்சம் திருநங்கைகள் பாதிக்கப்படுவார்கள் என்று அமெரிக்க ஊடகம் ஒன்று செய்தி வெளியிட்டுள்ளது.
