அமெரிக்க அதிபராக கடந்த ஜனவரி மாதம் பதவியேற்ற டொனால்ட் டிரம்ப் அமெரிக்காவின் மிகப்பெரிய தொழிலதிபர் என்பது அனைவரும் அறிந்ததே. அவர் கடந்த 2015ஆம் ஆண்டு மட்டும் தனது பல்வே\று தொழில்கள் மூலம் 10005 கோடி ரூபாய் வருமானம் பெற்றதாகவும் அதற்காக அவர் ரூ.254 கோடி வருமானவரி செலுத்தியதாகவும் அமெரிக்காவின் முன்னணி ஊடகம் ஒன்று செய்தி வெளியிட்டுள்ளது.
பொதுவாக அமெரிக்க அதிபர்களாக போட்டியிடும் அனைவரும் தங்களுடைய வருமானம் மற்றும் வருமான வரி செலுத்திய தகவல்களை மக்களுக்கு தெரிவிக்கும் பழக்கம் உண்டு. இது கட்டாயமில்லை என்றாலும் ஒரு மரபாக கடைபிடித்து வரப்பட்டது.
ஆனால் தேர்தலில் போட்டியிட்டபோதும், அதிபராக பதவியேற்ற போதும், டிரம்ப் தனது வருமானத்தையும் செலுத்திய வருமான வரித்தொகையையும் தெரிவிக்க மறுத்து வந்தார். இந்த நிலையில் முன்னணி ஊடகம் ஒன்று அவரது 2015ஆம் ஆண்டின் வருமானம் மற்றும் வருமானவரி செலுத்திய தொகையை கசிய விட்டுள்ளதால் பெரும் பரபரப்பு ஏற்பட்டுள்ளது. இந்த தொகையை கேள்விப்பட்ட அமெரிக்கர்கள் ஆச்சரியத்தில் வாயை பிளந்து வருகின்றனர்.
