திபெத் நிலநடுக்கத்தில் உயிரிழந்தவர்களின் எண்ணிக்கை 53 ஆக உயர்வு.. அதிர்ச்சி தகவல்..!

இன்று காலை திபெத் மற்றும் நேபாள எல்லையில் பயங்கர நிலநடுக்கம் ஏற்பட்ட நிலையில், இந்த நிலநடுக்கத்தில் இதுவரை 53 பேர் உயிரிழந்ததாகவும், இன்னும் மீட்பு பணி நடைபெற்று வருவதாகவும் கூறப்படுகிறது.

சீனாவின் எல்லைக்கு உட்பட்ட திபெத் மற்றும் நேபாள நாடுகளுக்கு இடையே உள்ள எல்லைப் பகுதியில் இன்று காலை 6.35 மணி அளவில் சக்தி வாய்ந்த நிலநடுக்கம் ஏற்பட்டது. இது ரிக்டர் அளவில் 7.1 என பதிவானது.

இந்த நிலநடுக்கம் காரணமாக சீனாவில் உள்ள திபெத்  பகுதிகளிலும், இந்தியாவில் உள்ள பீகார், டெல்லி உள்ளிட்ட மாநிலங்களிலும் உணரப்பட்டது. இந்த நிலநடுக்கம் காரணமாக ஏராளமான கட்டிடங்கள் சேதம் அடைந்திருப்பதாகவும், இடிபாடுகளில் சிக்கி இதுவரை 53 பேர் உயிரிழந்திருப்பதாகவும் அறிவிக்கப்பட்டுள்ளது. மேலும், மீட்பு பணிகள் நடைபெற்று வரும் நிலையில், பலி எண்ணிக்கை அதிகரிக்க வாய்ப்பு இருப்பதாக அஞ்சப்படுகிறது.

Edited by Siva