ஈரான் - இஸ்ரேல் இடையேயான போரின் போது ஈரான் நாட்டின் உச்சத்தலைவர் அயதுல்லா காமேனியை கொல்ல முயற்சித்ததாக இஸ்ரேல் பாதுகாப்பு அமைச்சர் கட்ஸ் கூறியுள்ளது பரபரப்பை ஏற்படுத்தியுள்ளது.
ஈரான் - இஸ்ரேல் இடையே சமீபத்தில் போர் மூண்ட நிலையில் இரு நாடுகளும் ஏவுகணைகளை வீசி தாக்கிக் கொண்ட சம்பவம் பரபரப்பை ஏற்படுத்தியது. தொடர்ந்து இஸ்ரேல் வான் படைகள் ஈரானின் அணுசக்தி மையங்களை குறிவைத்து தாக்கின. 12 நாட்கள் போர் நடந்த பின்னர் இருநாடுகளிடையே போர் நிறுத்தம் ஏற்பட்டது,
இந்நிலையில் போர் குறித்து சமீபத்தில் தொலைக்காட்சிக்கு பேட்டி அளித்த இஸ்ரேல் பாதுகாப்புத்துறை அமைச்சர் கட்ஸ் “நாங்கள் ஈரான் உச்சத்தலைவர் அயதுல்லா காமேனியை ஒழித்துக்கட்ட நினைத்தோம். ஆனால் எங்களுக்கு சரியான வாய்ப்பு கிடைக்கவில்லை. தனது உயிருக்கு ஆபத்து இருப்பதை தெரிந்துக் கொண்ட காமேனி, மிகவும் ஆழமான நிலத்தடி சுரங்கத்தில் பதுங்கிக் கொண்டார்.
காமேனியை கொல்ல அமெரிக்காவின் அனுமதியை நாங்க கேட்க தேவையிருந்திருக்காது. ஈரான் அணுசக்தி திட்டத்தை மீண்டும் தொடங்கினால் அவர்களை தாக்க ட்ரம்ப் எங்களுக்கு பச்சைக் கொடி காட்டினார்” என பேசியுள்ளார்.
Edit by Prasanth.K