அமெரிக்காவில் உள்ள புறாக்கள் தலையில் தொப்பி அணிந்தவாறு பறந்து செல்வதும், சாலைகளில் செல்வது பார்ப்பவர்களை வியப்பில் ஆழ்த்தியுள்ளது.
அமெரிக்காவின் லாஸ் வேகாஸ் பகுதிக்கு புறாக்கள் சில பறந்து வந்துள்ளன. சாலைகளில் சென்று கொண்டிருந்த அந்த புறாக்கள் சிவப்பு நிற கௌபாய் தொப்பிகள் அணிந்திருந்தன. இது மக்களுக்கு ஆச்சர்யத்தை ஏற்படுத்தியுள்ளது. உடனடியாக அதை வீடியோ எடுத்து சமூக வலைதளங்களில் பகிர அது வைரலானது.
உடனடியாக அந்த பகுதிகளுக்கு வந்த பறவை ஆர்வலர்கள் சிலர் அந்த புறாக்களில் சிலவற்றை பிடித்து ஆராய்ந்தபோது யாரோ இந்த தொப்பியை புறாக்களுக்காகவே செய்து அணிவித்துள்ளது தெரிய வந்துள்ளது. பசை கொண்டு அழுத்தமாக ஒட்டப்பட்டிருப்பதால் இந்த புறாக்கள் துன்புறுத்தப்பட்டிருக்கலாம் என கருதப்படுகிறது.
எனினும் தலையில் தொப்பியுடன் தோன்றும் இந்த வித்தியாசமான புறாக்களை காண பொதுமக்கள் மற்றும் குழந்தைகள் ஆர்வம் காட்டி வருகின்றனர்.