ரஃபேலுக்கு போட்டியாக சீன போர் விமானங்கள்! – பாகிஸ்தான் அறிவிப்பு!

இந்தியா பிரான்சிடம் ரஃபேல் விமானங்களை வாங்கிய நிலையில், அதேபோன்ற நவீன வசதிகளை கொண்ட சீன போர் விமானங்களை பாகிஸ்தான் வாங்கியுள்ளது.

இந்திய ராணுவத்தின் விமானப்படையை வலுப்படுத்தும் வகையில் பிரான்சிடம் இருந்து அதிநவீன ரஃபேல் விமானங்களை சமீபத்தில் இந்தியா வாங்கியது. இந்நிலையில் அண்டை நாடான பாகிஸ்தான் அதேப்போன்ற நவீன வசதிகளுடன் கூடிய சீன போர் விமானங்களை வாங்கியுள்ளது.

சீனாவின் தயாரிப்பான ஜே-10சி போர் விமானங்கள் அனைத்து வானிலையிலும் சிரமமின்றி இயங்க கூடியவை. ரஃபேலை போலவே அனைத்து நவீன தொழில்நுட்பமும் கொண்டவை. பாகிஸ்தான் ஜெ-10சி விமானங்கள் மொத்தம் 25ஐ சீனாவிடமிருந்து வாங்கியுள்ள நிலையில் மார்ச் 23 பாகிஸ்தான் தின விழாவின்போது இந்த விமானங்கள் ராணுவத்தில் இணைக்கப்படுவதாக பாகிஸ்தான் அறிவித்துள்ளது.