திமுகவின் ‘பி’ டீம் தான் ஓபிஎஸ் என்றும் அவரை அதிமுக தொண்டர்கள் மன்னிக்க மாட்டார்கள் என்றும் முன்னாள் அமைச்சர் ஜெயக்குமார் கூறியிருப்பது பரபரப்பை ஏற்படுத்தியுள்ளது
கடந்த சில நாட்களாக எடப்பாடி பழனிச்சாமி மற்றும் ஓ பன்னீர்செல்வம் இடையே கருத்து வேறுபாடு ஏற்பட்டிருக்கும் நிலையில் முன்னாள் அமைச்சர் ஜெயக்குமார் அவ்வப்போது இது குறித்து காரசாரமாக கருத்துக்களை தெரிவித்து வருகிறார்
அந்த வகையில் இன்று செய்தியாளர்களை சந்தித்த முன்னாள் அமைச்சர் ஜெயக்குமார் ஜூலை 11ம் தேதி நிச்சயம் பொதுக்குழு நடைபெறும் என்றும் சசிகலா மற்றும் தினகரன் அதிமுகவுக்கு மீண்டும் திரும்ப முடியாது என்றும் தெரிவித்தார்
மேலும் திமுகவின் ‘பி’ டீம் போல் ஓபிஎஸ் செயல்பட்டு வருகிறார் என்றும் கட்சியை முடக்கும் அவரது செயலை தொண்டர்கள் மன்னிக்க மாட்டார்கள் என்றும் கட்சிக்கு எதிராக அவர் தொடர்ந்து செயல்பட்டு வருகிறார் என்றும் குற்றம் சாட்டினார்
