புற்று நோயால் மரணமடைந்தார் அப்ரிடியின் மகள்: சமூக வலை தளங்களில் பரவும் வதந்தி

பாகிஸ்தான் கிரிக்கெட்டில் மிகவும் பிரபலமானவர் அப்ரிடி. இவரது இரண்டாவது மகள் புற்று நோய் காரணமாக இறந்துவிட்டதாக சமுக வலைதளங்களில் புகைப்படத்துடன் தகவல் ஒன்று வெளியானது.

இந்த செய்தியை உண்மை என நம்பி பலரும் அதனை பரப்பி வந்தனர். உண்மையில் அவரது மகளுக்கு உடல் நலக்குறைவு ஏற்பட்டு சிகிச்சைக்கு பின் அவள் நலமாக உள்ளார். சில தினங்களுக்கு முன் அப்ரிடி தனது மகளுடன் மருத்துவமனையில் இருக்கும் புகைப்படத்தை வெளியிட்டு தனது மகள் விரைவில் குணமடைய வேண்டும் என டுவிட்டரில் பதிவிட்டிருந்தார்.

இதனை பயன்படுத்தி வதந்தியாளர்கள் அப்ரிடியின் மகள் இறந்ததை போல் புகைப்படத்தை உருவாக்கி பரப்பி விட்டுள்ளனர். சிறுமி ஒருவரின் புகைப்படமும் அதனுடன், இறந்த நிலையில் ரோஜா பூ தூவி இருக்கும் புகைப்படத்தையும் வெளியிட்டுள்ளனர். அதில் அப்ரிடியின் மகள் இறந்து விட்டார், அவரது ஆன்மா சாந்தியடையட்டும் என பதிவிட்டிருந்தனர்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்