தேவையான பொருட்கள்:
முருங்கை பூ - 2 கைப்பிடி
புளி - சிறிய எலுமிச்சை பழ அளவு
தக்காளி - 1
ரசப்பொடி - 2 தேக்கரண்டி
துவரம் பருப்பு - 2 தேக்கரண்டி (வேகவைத்த )
உப்பு - சுவைக்கு ஏற்ப
தாளிக்க தேவையான பொருட்கள்:
மிளகு - 1 தேக்கரண்டி ( தூளாக்கவும்)
சீரகம் - அரை தேக்கரண்டி
செய்முறை:
தக்காளியை பொடியாக நறுக்கி கொள்ளவும். புளியை சிறிதளவு நீரில் கரைத்து அத்துடன் முருங்கை பூ, தக்காளி, ரசப்பொடி கலந்து நன்கு கொதிக்க வையுங்கள். அடுத்து அதில் பருப்பு கரைசல், உப்பு சேர்த்து 5 நிமிடம் கொதிக்க வைக்கவும்.
கடாயை அடுப்பில் வைத்து சூடானதும் தாளிக்க வேண்டிய பொருட்களையும் சேர்த்து தாளித்து சூப்பில் சேருங்கள். இதை சாதத்துடன் கலந்து சாப்பிடலாம். சூப்பாகவும் பருகலாம். சளி, இருமலுக்கு ஏற்றது.
