பிரபல இயக்குனர் கார்த்திக் சுப்புராஜ் இயக்கத்தில் உருவாகும் அடுத்த படத்தில் சூப்பர் ஸ்டார் ரஜினிகாந்த் நடிக்கவுள்ளார் என்பது தெரிந்ததே. இந்த படத்தின் படப்பிடிப்பு இன்னும் ஒருசில மாதங்களில் தொடங்கவுள்ளது.
இந்த நிலையில் இந்த படத்தில் விஜய்சேதுபதி ஒரு முக்கிய வேடத்தில் நடிக்கவுள்ளார் என்ற தகவல் அதிகாரபூர்வமாக வெளிவந்துள்ளது. ஏற்கனவே கார்த்திக் சுப்புராஜ் இயக்கிய பீட்சா, ஜிகர்தண்டா மற்றும் இறைவி ஆகிய மூன்று படங்களிலும் விஜய்சேதுபதி நடித்துள்ளார் என்பது குறிப்பிடத்தக்கது.
இந்த நிலையில் இந்த படத்தில் விஜய்சேதுபதி, ரஜினிக்கு வில்லனாக நடிக்கவிருப்பதாக கூறப்படுகிறது. ஏற்கனவே விஜய்சேதுபதி சமீபத்தில் வெளிவந்த 'விக்ரம் வேதா' படத்தில் வில்லனாக தனது அசத்தலான நடிப்பை வெளிப்படுத்தியிருந்தார் என்பது தெரிந்ததே.
மேலும் இந்த படத்தில் ரஜினி-விஜய்சேதுபதி மோதும் காட்சிகள் ஆக்ரோஷமாக இருக்கும் என்றும் இந்த படம் ரசிகர்களுக்கு வித்தியாசமான படமாக இருக்கும் என்றும் படக்குழுவினர் தெரிவித்துள்ளனர்.
