வெளியானது காலா பாடல்களின் முன்னோட்டம்!

சூப்பர் ஸ்டார் ரஜினிகாந்த் நடிப்பில் பா.ரஞ்சித் இயக்கிய காலா திரைப்படத்தின் பாடல்கள் மே மாதம் 9 ஆம் தேதி ரிலீஸ் ஆகவுள்ளது. இந்த பாடல்களின் முன்னோட்டம் தற்போது இணையதளத்தில் வெளியிடப்பட்டுள்ளது.

பா.இரஞ்சித் இயக்கத்தில் ரஜினி நடித்துள்ள படம் ‘காலா’. தனுஷின் வுண்டர்பார் பிலிம்ஸ் தயாரித்துள்ள இந்தப் படத்தை, லைகா நிறுவனம் வெளியிடுகிறது. நானா படேகர், சமுத்திரக்கனி, ஈஸ்வரி ராவ், சாக்‌ஷி அகர்வால், அஞ்சலி பட்டேல் உள்ளிட்ட பலர் நடித்துள்ளனர். சந்தோஷ் நாராயணன் இசையமைத்துள்ளார்.

இந்த படம் வரும் ஜூன் மாதம் 7 ஆம் தேதி ரிலீஸ் ஆகவுள்ளது. படத்தின் இசை வெளியீட்டு விழா வரும் 9 ஆம் தேதி நந்தனம் மைதானத்தில் நடைபெறவுள்ளது. 

இந்த நிலையில் காலா படத்தின் பாடல்களின் முன்னோட்டம் தற்போது இணையதளத்தில் வெளியிடப்பட்டு ரசிகர்களால் வைரலாகி வருகிறது.