Select Your Language

Notifications

webdunia
webdunia
webdunia
webdunia

ஐசியூவில் இருந்து தனி வார்டுக்கு ரஜினிகாந்த் மாற்றம்: இன்று அல்லது நாளை டிஸ்சார்ஜ்!

Advertiesment
Superstar Rajinikanth Recovers from Health Issues

Siva

, வியாழன், 3 அக்டோபர் 2024 (08:03 IST)
சூப்பர் ஸ்டார் ரஜினிகாந்த் சமீபத்தில் உடல்நலக்குறைவு காரணமாக அப்பல்லோ மருத்துவமனையில் அனுமதிக்கப்பட்டு சிகிச்சை பெற்றார். தற்போது, அவர் ஐசியூ பிரிவிலிருந்து தனி வார்டுக்கு மாற்றப்பட்டதாகவும், இன்று அல்லது நாளை டிஸ்சார்ஜ் செய்யப்படுவார் என்றும் கூறப்படுகிறது.

நடிகர் ரஜினிகாந்த் சமீபத்தில் உடல் நலக்குறைவு காரணமாக சென்னை அப்பல்லோ மருத்துவமனையில் அனுமதிக்கப்பட்ட நிலையில், அவருக்கு ரத்த நாளத்தில் வீக்கம் இருந்ததால் அறுவை சிகிச்சை இல்லாமல் சிகிச்சை அளிக்கப்பட்டதாக தகவல் வெளியானது.

மேலும், ரஜினிகாந்திற்கு சிகிச்சை அளித்த மருத்துவர் சொக்கலிங்கம் அவர்கள் சமீபத்தில் அளித்த பேட்டியில், ரஜினிகாந்த் பூரண நலம் பெறுகிறார் என்றும், அவரின் உடல்நிலையில் முன்னேற்றம் ஏற்பட்டுள்ளதாகவும், இன்னும் இரண்டு நாட்களில் அவர் டிஸ்சார்ஜ் செய்யப்படுவார் என்றும் கூறியிருந்தார். ஆனால், அதே நேரத்தில், மூன்று வாரங்கள் ஓய்வு எடுக்க வேண்டும் என்றும் தெரிவித்தார்.

தற்போது கிடைத்த தகவலின் படி, ஐசியூ பிரிவில் இருந்து ரஜினிகாந்த் தனி வார்டுக்கு மாற்றப்பட்டுள்ளதாகவும், அவர் இயல்பு நிலையில் திரும்பி இருப்பதாகவும், 24 மணி நேர மருத்துவ கண்காணிப்புக்கு பிறகு, இன்று அல்லது நாளை வீடு திரும்புவார் என்றும் மருத்துவமனை வட்டாரங்கள் தெரிவித்துள்ளன.

தற்போது, அவர் தனது வழக்கமான செயல்களை தானே மேற்கொள்வதாகவும், வீடு திரும்புவதற்கு முழு உடல் நலத்துடன் தயாராக உள்ளார் என்றும் மருத்துவர்கள் கூறியுள்ளனர்.


Edited by Siva

Share this Story:

Follow Webdunia tamil

அடுத்த கட்டுரையில்

மீண்டும் ஒரு தெலுங்கு படத்தில் இசையமைப்பாளராக ஒப்பந்தம் ஆன அனிருத்!