பல ஆண்டுகளுக்குப் பிறகு இணைந்த யுவன் – சுந்தர் சி … ‘காஃபி வித் காதல் யுவன்’ முக்கிய தகவல்!

சுந்தர் சி இயக்கத்தில் ஒரு நட்சத்திர பட்டாளமே நடித்துள்ள காஃபி வித் காதல் திரைப்படம் ரிலீஸூக்கு தயாராகி வருகிறது.

சுந்தர் சி யின் படங்களுக்கு என்றே ஒரு குறிப்பிட்ட ரசிகர் கூட்டம் உண்டு. வழக்கமாக காமடிக்கு முக்கியத்துவம் கொடுத்து படங்களை உருவாக்கும் சுந்தர் சி, கடந்த சில ஆண்டுகளாக பேய் படங்களாக எடுத்து ரசிகர்களை கொஞ்சம் ஏமாற்றமளித்தார். இந்நிலையில் இப்போது மீண்டும் தன்னுடைய பழைய ரூட்டுக்கே திரும்பியுள்ள அவர் ஜீவா, ஜெய் மற்றும் ஸ்ரீகாந்த் ஆகிய மூன்று ஹீரோக்களை வைத்து ஒரு காமெடி படத்தை இயக்கியுள்ளார்.

இந்த திரைப்படத்தில் யோகி பாபு, திவ்யதர்ஷினி உள்ளிட்டோரும் நடித்துள்ளனர். சென்னையில் தொடங்கிய படப்பிடிப்பு சமீபத்தில் ஊட்டியில் நிறைவுற்றது. இந்த படத்துக்கு ‘காஃபி வித் காதல்’ என்று தலைப்பு வைக்கப்பட்டுள்ளது. இந்நிலையில் இந்த படத்தின் முதல் சிங்கிள் பாடல் நாளை வெளியாக உள்ளது. வின்னர் படத்துக்கு பின்னர் 19 ஆண்டுகளுக்குப் பிறகு யுவன் ஷங்கர் ராஜா – சுந்தர் சி கூட்டணி இந்த திரைப்படத்தில் இணைந்துள்ளதால் பாடல்கள் மீது எதிர்பார்ப்பு அதிகமாகியுள்ளது. 

இந்நிலையில் தற்போது படத்துக்கான பின்னணி இசைக் கோர்வையை முடித்துள்ளாராம் யுவன். வெளிநாட்டில் இசைக்கச்சேரிக்காக பயணம் செய்ய இருந்த அவர் படக்குழுவின் வேண்டுகோளுக்கிணங்க, அதை முடித்துக் கொடுத்துவிட்டு கிளம்ப உள்ளாராம்.