தமிழில் ரீமேக் ஆகும் தி கிரேட் இந்தியன் கிச்சன் திரைப்படத்தில் யோகி பாபு ஒரு முக்கியக் கதாபாத்திரத்தில் நடித்து வருகிறார்.
இயக்குநர் ஜோ பேபி இயக்கிய த கிரெட் இந்தியன் கிச்சன் திரைப்படம் Neestream தளத்தில் வெளியாகி மிகப்பெரிய அளவில் பாராட்டுகளையும் விமர்சனங்களையும் பெற்றது. சூரஜ் வெஞ்சரமுடு, நிமிஷா சஜயன் ஆகியோர் நடித்திருந்த இந்த திரைப்படம் மொழி தாண்டியும் கவனத்தை ஈர்த்தது. இந்நிலையில் இப்போது இந்த திரைப்படம் தமிழில் ரீமேக் ஆக உள்ளதாக சொல்லப்படுகிறது. இந்த படத்தின் ரீமேக் உரிமையை பிஸ்கோத் படத்தின் இயக்குனர் கண்ணன் வாங்கியுள்ளாராம். தமிழ் மற்றும் தெலுங்கு ஆகிய மொழிகளில் அவரே இயக்க உள்ளாராம்.
இந்நிலையில் இந்த படத்தில் நடிக்க நடிகை ஐஸ்வர்யா ராஜேஷ் முக்கியக் கதாபாத்திரத்தில் நடிக்க, அவரின் கணவராக சின்மயியின் கணவர் ராகுல் ரவீந்தரன் நடிக்கிறார். இந்த படத்தின் படப்பிடிப்பு நடந்து கொண்டிருந்த நிலையில் இப்போது யோகி பாபு படப்பிடிப்பில் இணைந்துள்ளார். அவர் ஒரு முக்கியக் கதாபாத்திரத்தில் நடிக்க உள்ளதாக சொல்லப்படுகிறது.
