'விஸ்வாசம்’ ரிலீஸ் போன ஆண்டா? இந்த ஆண்டா? குழம்பிய பாடலாசிரியர்

விசுவாசம் படம் குறித்து எனக்கு மிகப்பெரிய சந்தேகம் உள்ளது என பாடலாசிரியர் அருண்பாரதி தனது டுவிட்டரில் 'விஸ்வாசம்’ திரைப்படம் குறித்து பதிவு செய்துள்ளது பெரும் பரபரப்பை ஏற்படுத்தியுள்ளது.

'விஸ்வாசம்’ திரைப்படம் இந்த ஆண்டுதான் வெளியானதா? அல்லது கடந்த ஆண்டுதான் வெளியானதா என்ற மிகப்பெரிய சந்தேகம் தனக்கு இருப்பதாக பாடலாசிரியர் அருண்பாரதி தனது டுவிட்டரில் குறிப்பிட்டுள்ளார்

இது குறித்து அவர் தனது டுவிட்டரில் குறிப்பிட்டுள்ளதாவது: விஸ்வாசம் சென்ற ஆண்டு வெளியானதா? இல்லை இந்த ஆண்டுதான் வெளியானதா? என குழப்பமே வந்து விட்டது. ஒவ்வொரு முறை  தொலைகாட்சியில் ஒளிபரப்பாகும் போதும்  நேற்றுதான் படம் வெளியானது போல் ரசிகர்கள் கொண்டாடுவதும், தொலைபேசியில் அழைத்து பாராட்டுவதும் மிகுந்த உற்சாகம் தருகிறது. அன்பு நன்றிகள்

இந்த படத்தில் ’டங்கா டங்கா டங்கா’ என்ற பாடலை பாடலாசிரியர் அருண்பாரதி எழுதியுள்ளார் என்பது குறிப்பிடத்தக்கது. நேற்று சன் டிவியில் இந்த திரைப்படம் ஒளிபரப்பானபோது மிகப்பெரிய வரவேற்பைப் பெற்றது என்பதும் இது குறித்த ஹேஷ்டேக் உலக அளவில் டிரெண்ட் ஆனது என்பதும் இதனை குறிப்பிட்டுத்தான் அருண்பாரதி இந்த டுவிட்டை பதிவு செய்துள்ளார் என்பதும் குறிப்பிடத்தக்கது