குடித்துவிட்டு மேடையில் மயங்கினேனா?... நடிகர் விஷால் விளக்கம்!

சமீபகாலமாக நடிகர் விஷாலின் உடல்நிலைக் குறித்த சர்ச்சைக்குரிய தகவல்கள் வெளியாகி பரபரப்பாக விவாதிக்கப்பட்டு வருகின்றன.  அவர் நடிப்பில் உருவான ‘மத கஜ ராஜா’ படத்தின் ப்ரமோஷன் நிகழ்ச்சியில் கலந்துகொண்ட போது விஷால் சரியாகப் பேசமுடியாமல் கைகள் நடுங்கப் பேசினார். ஆளும் மிகவும் இளைத்து ஒல்லியாகக் காணப்பட்டார். இதனால் அவர் உடல்நிலைக் குறித்து பல்வேறு விதமான தகவல்கள் பரவின. ஆனால் அவருக்கு வெறும் வைரஸ் காய்ச்சல்தான் என்று அவரது தரப்பில் விளக்கம் அளித்தனர்.

இந்நிலையில் நேற்று முன்தினம் விழுப்புரத்தில் உள்ள கூவாகம் திருவிழாவில் நடந்த மிஸ் திருநங்கை நிகழ்ச்சியில் சிறப்பு விருந்தினராக அவர் கலந்துகொண்டார். அப்போது மேடையிலேயே அவர் மயங்கி விழுந்தார். அவர் உடனடியாக மருத்துவமனையில் சேர்க்கப்பட்ட நிலையில் தற்போது நலமுடன் இருப்பதாக அவரின் மேலாளர் தெரிவித்துள்ளார். நீர்ச்சத்து குறைபாடு மற்றும் கூட்ட நெரிசல் காரணமாக அவர் மயங்கியதாகவும் தெரிவிக்கப்பட்டுள்ளது.

இந்நிலையில் விஷால் குடிபோதையில் இருந்ததால்தான் மயங்கி விழுந்ததாக விமர்சனங்கள் எழுந்தன. இதுபற்றி விளக்கம் அளித்துள்ள விஷால் “நான் குடிப்பழக்கத்தை நிறுத்தி 2 ஆண்டுகள் ஆகின்றன்” எனக் கூறியுள்ளார்.