விமல் மற்றும் வரலட்சுமி சரத்குமார் நடித்துள்ள கன்னிராசி படத்தின் ரிலீஸ் தேதி அறிவிக்கபப்ட்டுள்ளது.
களவாணி படத்தின் மூலம் கதாநாயகனாக அறிமுகமான விமல் அதன் பின்னர் பல படங்களில் நடித்து தன்னை ஒரு திறமையான நடிகராக அடையாளம் காட்டிக்கொண்டார். ஆனால் கிராமத்து வேடம் பொருந்திய அளவுக்கு அவருக்கு நகரத்து இளைஞர் வேடம் பொருந்தவில்லை. அதுபோல அவர் நடித்த சில படங்கள் தோல்வியை தழுவியது. பின்னர் சொந்தப்படம் தயாரித்து கையை சுட்டுக்கொண்டார்.
இதனால் அவரின் வளர்ச்சி பாதிக்கப்பட்டது. இந்நிலையில் இப்போது அவர் வரலட்சுமி சரத்குமாரோடு நடித்துள்ள கன்னிராசி படத்தை பெரிய அளவில் நம்பியுள்ளார். இந்த படத்தின் ரிலீஸ் தேதி பல முறை மாற்றி வைக்கப்பட்ட நிலையில் இப்போது நவம்பர் 27 ஆம் தேதி ரிலீஸாகும் என அறிவிக்கப்பட்டுள்ளது.
