உருவாகிறதா ‘விக்ரம் வேதா’ பார்ட் 2?
, சனி, 5 ஆகஸ்ட் 2017 (18:18 IST)
சமீபத்தில் வெளியாகி ஹிட்டான ‘விக்ரம் வேதா’ படத்தின் இரண்டாம் பாகம் உருவாகலாம் என்ற தகவல் கிடைத்துள்ளது.
மாதவன் – விஜய் சேதுபதி நடிப்பில், புஷ்கர் – காயத்ரி இயக்கத்தில் இரண்டு வாரங்களுக்கு முன்பு வெளியான ‘விக்ரம் வேதா’, பயங்கர ஹிட்டாகியுள்ளது. ஜி.எஸ்.டி.யால் குறைந்திருந்த தியேட்டர் வருமானம், இந்தப் படத்தால் அதிகரித்துள்ளது. இரண்டு வாரங்கள் ஆகியும் கூட பல இடங்களில் ஹவுஸ்ஃபுல்லாக ஓடிக் கொண்டிருக்கிறது.
இந்நிலையில், இந்தப் படத்தை தெலுங்கு மற்றும் ஹிந்தியில் ரீமேக் செய்யப் போவதாகத் தகவல் வெளியானது. ஆனால், அதை மறுத்துள்ளனர் இயக்குநர்களான புஷ்கர் – காயத்ரி. “இப்போதைக்கு இந்த வெற்றியை மட்டுமே நாங்கள் கொண்டாடி வருகிறோம். ரீமேக் செய்வது குறித்து இன்னும் யோசிக்கவில்லை” என்கிறார்கள்.
சஸ்பென்ஸுடனே இந்தப் படம் முடிந்திருப்பதால், இரண்டாம் பாகம் உருவாகலாம் என்ற தகவலும் உலாவரத் தொடங்கியுள்ளது. “இப்போதைக்கு எங்களிடம் எந்தக் கதையும் இல்லை. இனிமேல்தான் அடுத்த படத்துக்கான கதையைத் தயார் செய்ய வேண்டும்” என்கின்றனர் புஷ்கர் – காயத்ரி.
அடுத்த கட்டுரையில்
