சீயான் விக்ரமுக்கு தமிழ் சினிமாவில் ஒரு வலுவான இடம் இருக்கும் நிலையில் விரைவில் அவரது மகன் துருவ் கோலிவுட்டில் களமிறங்கவுள்ளார். அனேகமாக அவரது முதல் படத்தில் விக்ரம் சிறப்பு தோற்றத்தில் நடிப்பார் என்று எதிர்பார்க்கப்படுகிறது.
வெளிநாட்டில் நடிப்பு, தொழில்நுட்பம் என பல பிரிவுகளை படித்து முடித்துவிட்ட துருவ், தற்போது பக்காவாக ஹீரோவாக களமிறங்க தயாராகியுள்ளார். மகனுக்காக கதை கேட்கும் படலத்தையும் விக்ரம் ஆரம்பித்துவிட்டதாக கூறப்படுகிறது.
மகனின் முதல் படம் சூப்பர் ஹிட் வெற்றி அடையும் வகையில் பக்கா கதையாக இருக்க வேண்டும் என்பது தான் விக்ரமின் எண்ணம். மேலும் துருவ் நடிக்கும் முதல் படத்தை புதுமுகம் ஒருவர் தான் இயக்க வேண்டும் என்றும் அவர்களிடம் தான் ஜெயிக்க வேண்டும் என்ற வெறி இருக்கும் என்றும் விக்ரம் தனது நண்பர்களிடம் கூறி வருகின்றாராம். சமீபத்தில் இருவரும் இணைந்த ஒரு புகைப்படம் இணையதளங்களில் வைரலாகி வருகிறது. அதில் விக்ரமும் துருவ்வும் ஸ்டைலாக நிற்கும் காட்சி அனைவரையும் கவர்ந்துள்ளது.
