இந்தியிலும் தயாராகும் வாரிசு திரைப்படம்… தயாரிப்பாளர் வெளியிட்ட தகவல்!

வாரிசு படத்தின் தமிழக ரிலீஸ் உரிமையை லலித்குமார் பெற்றுள்ளார். இது அதிகாரப்பூர்வமாக அறிவிக்கப்பட்டுள்ளது.

விஜய் நடித்து வரும் வாரிசு படத்தின் இறுதிகட்ட படப்பிடிப்பு நடைபெற்று வருகிறது. விஜய்யுடன் ராஷ்மிகா மந்தனா, பிரபு, பிரகாஷ் ராஜ் மற்றும் ஜெயசுதா ஆகியோர் நடிப்பதை படக்குழு உறுதி செய்துள்ளது. இந்த படம் 2023 ஆம் ஆண்டு பொங்கல் பண்டிகையை முன்னிட்டு ரிலீஸ் ஆகும் என அதிகாரப்பூர்வமாக அறிவிக்கப்பட்டுள்ளது.

இந்நிலையில் வாரிசு படத்தின் தமிழ்நாடு விநியோக உரிமையை மாஸ்டர் தயாரிப்பாளர் லலித்குமார் கைப்பற்றியுள்ளதாக அதிகாரப்பூர்வமாக அறிவிக்கப்பட்டுள்ளது. தெலுங்கில் வாரிசு படத்தை ரிலீஸ் செய்வதில் சிக்கல் எழுந்துள்ளதாக தகவல்கள் வெளியாகின.

ஆனால் இப்போது எந்த பிரச்சனையும் இல்லை என்றும் அதிகமான திரைகளில் வாரிசு தெலுங்கில் ரிலீஸ் ஆகும் என்றும் தயாரிப்பாளர் தில் ராஜு கூறியுள்ளார். மேலும் தமிழ், தெலுங்கு மட்டுமில்லாமல் இந்தியிலும் அதே நாளில் வெளியாகும் என அறிவித்துள்ளார்.