இளையதளபதி விஜய் நடிப்பில் அட்லி இயக்கி வரும் 'தளபதி 61' படத்தின் படப்பிடிப்பு தற்போது ஐரோப்பிய நாடுகளில் ஒன்றான போலந்து நாட்டில் நடைபெற்று வருகிறது. இந்த படப்பிடிப்பில் விஜய், காஜல் அகர்வால் உள்பட பலர் நடித்து வருகின்றனர்.
இந்நிலையில் இந்த படப்பிடிப்பின் தளத்தில் போலந்து நாட்டின் முக்கிய பகுதி ஒன்றில் விஜய் ஸ்டைலாக வேஷ்டி சட்டை காஸ்ட்யூமில் உட்கார்ந்திருக்கும் புகைப்படம் ஒன்று வெளிவந்துள்ளது. அந்த நாட்டினர் வேஷ்டி என்றால் என்ன என்பதையே அறிந்திராத நிலையில் வேஷ்டியில் கெத்து காட்டிய விஜய்யை அனைவரும் ஆச்சரியத்துடன் பார்த்து சென்றதாக கூறப்படுகிறது. வெளிநாட்டில் கெத்து காட்டிய விஜய்யின் இந்த புகைப்படம் தற்போது இணையத்தில் வைரலாக பரவி வருகிறது.
ஸ்ரீதேனாண்டாள் பிலிம்ஸ் நிறுவனம் பெரும் பொருட்செலவில் தயாரித்து வரும் இந்த படத்தில் விஜய் மூன்று வித்தியாசமான வேடங்களில் நடித்து வருகிறார். அவருக்கு ஜோடியாக காஜல் அகர்வால், சமந்தா, நித்யாமேனன் ஆகியோர்களும் மற்றும் எஸ்.ஜே.சூர்யா, வடிவேலு, சத்யராஜ், சத்யன், கோவை சரளா உள்பட பலர் முக்கிய கேரக்டர்களிலும் நடித்து வருகின்றனர். ஏ.ஆர்.ரஹ்மான் இந்த படத்திற்கு இசையமைத்து வருகின்றார்.
