'எமன்' படத்தின் "என் மேல கை வச்சா காலி..." என்னும் பாடலை, தனக்குரிய தனித்துவமான பாணியில் இசையமைத்திருக்கிறார் விஜய் ஆண்டனி.
தமிழக ரசிகர்களை உற்சாகத்துடன் ஆட்டம் போட செய்த "நாக்க முக்க..." மற்றும் "ஆத்திச்சூடி..." பாடல்களை என்றுமே யாராலும் மறக்க முடியாது....நடிகர் - இசையமைப்பாளர் விஜய் ஆண்டனி இசையமைத்து பாடிய இந்த பாடல்கள் இரண்டும் இசைத் துறையில் ஒரு புதுமையை உருவாக்கி இருக்கிறது என்று சொன்னால் அது மிகையாகாது.
தற்போது அந்த வரிசையில் இணைந்திருக்கிறது 'எமன்' படத்தின் "என் மேல கை வச்சா காலி..." பாடல். 'லைக்கா புரொடக்ஷன்ஸ்' - ராஜு மஹாலிங்கம் தயாரித்து வரும் 'எமன்' படத்தை இயக்கி வருகிறார் 'நான்' படப்புகழ் ஜீவா ஷங்கர். விஜய் ஆண்டனியின் இசையில் உருவாகி இருக்கும் "என் மேல கை வச்சா காலி..." பாடலை ஹேமச்சந்திரா பாட, அண்ணாமலை மற்றும் சேட்டன் எம் சி (ராப்) ஆகியோர் பாடல் வரிகள் எழுதியுள்ளனர்.
"என் மேல கை வச்சா காலி..அந்துடும் டா உன்னோட தாலி..." என்ற வார்த்தைகளையுடன் ஹிப் - ஹாப் தாளத்தில் ஆரம்பமாகும் பாடலை, தனக்குரிய தனித்துவமான பாணியில் இசையமைத்திருக்கிறார் விஜய் ஆண்டனி என்பதை எந்தவித சந்தேகமும் இன்றி கூறலாம்.
கடந்த செப்டம்பர் 5 ஆம் தேதி திருநெல்வேலியில் 'லைக்கா கோவை கிங்ஸ்' மற்றும் 'சேபாக் சூப்பர் கில்லிஸ் ' இடையே நடைபெற்ற கிரிக்கெட் ஆட்டத்தின் போது வெளியிடப்பட்ட "என் மேல கை வச்சா காலி..." பாடலானது தற்போது சமூக வலைத்தளங்களில் வைரலாக பரவி கொண்டு வருவது குறிப்பிடத்தக்கது.
