விஜய்க்காகத் தயார் செய்த கதையில் தற்போது விஜய் ஆண்டனி நடிக்கிறார்.
இசையமைப்பாளராக இருந்து நடிகரானவர் விஜய் ஆண்டனி. அத்துடன், சொந்தமாகப் படங்களைத் தயாரித்தும் வருகிறார். அவர் நடிப்பில் வெளியான ‘பிச்சைக்காரன்’ மிகப்பெரிய ஹிட்டானது. ஆனால், அதன்பிறகு வெளியான ‘எமன்’ அவ்வளவாக வெற்றி பெறவில்லை. தற்போது ‘அண்ணாதுரை’ மற்றும் ‘காளி’ படங்களில் நடித்து வருகிறார் விஜய் ஆண்டனி.
தொடர்ந்து, சீமான் இயக்கத்தில் ‘பகலவன்’ படத்தில் நடிக்கிறார் விஜய் ஆண்டனி. இந்தக் கதை, விஜய்க்காக சீமான் பல வருடங்களுக்கு முன்பு தயார் செய்தது. விஜய்யின் சாலிகிராமம் வீட்டில் குடியிருந்த விஜய் ஆண்டனி, சில வருடங்களுக்கு முன்பு அந்த வீட்டையே விலைக்கு வாங்கினார். இப்போது விஜய்க்குத் தயார் செய்த கதையில் நடிக்கிறார் விஜய் ஆண்டனி.