இந்த ஆண்டு மார்ச் 31 ஆம் தேதி வெளியான வெற்றிமாறன் இயக்கிய விடுதலை திரைப்படத்தின் முதல் பாகம் நேர்மறையான விமர்சனங்களையும் பாராட்டுகளையும் பெற்றது. இதையடுத்து வெற்றிமாறனின் ஹிட் பட லிஸ்ட்டில் விடுதலையும் இணைந்துள்ளது. இரண்டாம் பாகத்துக்கான ஷூட்டிங் சமீபத்தில் திண்டுக்கல் மாவட்டம் சிறுமலை என்ற இடத்தில் தொடங்கி நடைபெற்றது.
கிட்டத்தட்ட பெரும்பாலான காட்சிகள் படமாக்கப்பட்டு முடிக்கப்பட்டுள்ளதாக சொல்லப்படுகிறது. இந்நிலையில் இந்த படம் அடுத்த ஆண்டு தொடக்கத்தில் ரிலீஸ் ஆகும் என இயக்குனர் வெற்றிமாறன் அறிவித்துள்ளார்.
இந்நிலையில் விடுதலை 2 படத்தின் இறுதிகட்ட ஷூட்டிங் அடுத்த மாதம் தொடங்க உள்ளதாகவும், அதில் விஜய் சேதுபதி கலந்துகொள்ள உள்ளதாக சொல்லப்படுகிறது. மேலும் விடுதலை 2 படத்துக்கான சூரியின் மொத்த காட்சிகளையும் படமாக்கி முடித்துவிட்டதாக தகவல்கள் வெளியாகியுள்ளன.
