நல்ல வேள நல்லா இருக்குன்னு சொல்லிட்டான்... பாராட்டிய ரசிகருக்கு த்ரிஷாவின் பதில்!

நடிகர் அஜித்குமாரின் ‘விடாமுயற்சி’ திரைப்படம் பல்வேறு பிரச்சனைகளால் பல தாமதங்களைக் கடந்து நேற்று உலகம் முழுவதும் ரிலீஸானது. அவர் நடித்த ‘துணிவு’ திரைப்படம் 2022 ஆம் ஆண்டு ரிலீஸானது. அதன் பிறகு இரண்டு ஆண்டுகள் கழித்து ‘விடாமுயற்சி’ திரைப்படம் ரிலீஸாகியுள்ளது. படத்தில் அஜித்தோடு த்ரிஷா, அர்ஜுன், ரெஜினா உள்ளிட்ட பலர் நடிக்க, லைகா தயாரிப்பில் மகிழ் திருமேனி இயக்கி இருந்தார்.

இதனால் அவரது ரசிகர்கள் இரண்டாண்டுகள் தங்கள் ஆதர்ச நாயகனை திரையில் பார்க்க முடியாத ஏக்கத்தை கொண்டாடித் தணித்தனர். வழக்கத்துக்கு மாறாக அஜித் இந்த படத்தில் அடக்கி வாசித்துள்ளார் என்று பாராட்டுகள் எழுந்தாலும், படத்தில் சுவாரஸ்யம் என்பது மருந்துக்கும் இல்லை என்ற குற்றச்சாட்டும் எழுந்தது.

இந்நிலையில் நேற்று சென்னையில் ஒரு தியேட்டரில் ரசிகர்களுடன் த்ரிஷா இந்த படத்தைப் பார்த்தார். அப்போது ரசிகர் ஒருவர் ‘த்ரிஷா மேம் ஆக்டிங் சூப்பர்’ எனக் கூற அதற்கு த்ரிஷா ‘நல்ல வேள நல்லா இருக்குன்னு சொல்லிட்டான்’ என சிரித்துக் கொண்டே வெளியேறியுள்ளார்.