இந்திய சர்வதேச திரைப்பட விழாவில் தனுஷ் நடித்த அசுரன் படம் இந்தியன் பனோரமா பிரிவில் தேர்வாகியுள்ளது.
இயக்குனர் வெற்றிமாறன் இயக்கத்தில், தனுஷ் நடித்து கடந்த ஆண்டு வெளியான படம் அசுரன். மஞ்சு வாரியர், பசுபதி உள்ளிட்டோர் நடித்த இந்த படம் சமூக பாகுபாடுகள் நோக்கிய விமர்சனங்களை முன்வைத்ததாக பலரால் பாராட்டுகளை பெற்றதுடன், வசூலையும் குவித்தது.
இந்நிலையில் 51வது இந்திய சர்வதேச திரைப்பட விழா கோவாவில் ஜனவரியில் தொடங்க உள்ளது. பல்வேறு பிரிவுகளில் பல்வேறு நாடுகளின் படங்கள் திரையிடப்படும் இந்த விழாவில் இந்தியன் பனோரமா என்ற பிரிவில் தனுஷ் நடித்த அசுரன் திரைப்படம் திரையிட தேர்வாகியுள்ளது. இதுகுறித்த அறிவிப்பை தனது ட்விட்டரில் வெளியிட்டுள்ள தனுஷ் படக்குழுவினருக்கு தனது நன்றியையும், பாராட்டுகளையும் தெரிவித்துள்ளார்.
