நடிகர் சூர்யா எதற்கும் துணிந்தவன் திரைப்படத்தின் தோல்விக்குப் பிறகு தற்போது சிறுத்தை சிவா இயக்கும் கங்குவா படத்தில் கவனம் செலுத்தி வருகிறார். இந்த படத்தின் பெரும்பாலான காட்சிகள் முடிவடைந்துள்ள நிலையில் அடுத்து சுதா கொங்கரா இயக்கத்தில் புறநானூறு படத்தில் நடிக்க உள்ளார். இந்த படத்தையும் சூர்யாவின் 2டி எண்டர்டெயின்மெண்ட் நிறுவனமே தயாரிக்கிறது.
இதையடுத்து சூர்யா வெற்றிமாறன் இயக்கத்தில் வாடிவாசல் திரைப்படத்தில் நடிக்க உள்ளார். இந்த படத்தை கலைப்புலி எஸ் தாணு தயாரிக்கிறார். ஜி வி பிரகாஷ் இசையமைக்க உள்ளார். இந்த படத்தில் சூர்யாவோடு இயக்குனர் அமீர் ஒரு முக்கியக் கதாபாத்திரத்தில் நடிக்க உள்ளார் என்று அறிவிக்கப்பட்டுள்ளது.
இந்நிலையில் இப்போது விடுதலை 2 ஷூட்டிங்கில் கவனம் செலுத்திக் கொண்டிருக்கும் நிலையில் வாடிவாசல் படம் எப்போது தொடங்கும் என்பது கேள்விக்குள்ளாகியுள்ளது. இந்நிலையில் சமீபத்தில் இதுபற்றி சூர்யாவும் வெற்றிமாறனும் சந்தித்து பேசியுள்ளதாக சொல்லப்படுகிறது. அப்போது அடுத்த ஆண்டு மார்ச் மாதத்தில் வாடிவாசல் முதல்கட்ட ஷூட்டிங்கை தொடங்கலாம் என வெற்றிமாறன் உறுதியளித்துள்ளதாக சொல்லப்படுகிறது.
