தொடர்ந்து வெற்றிப் படங்களாகக் கொடுத்து தமிழ் சினிமாவின் முன்னணி இயக்குனர்களில் ஒருவராக இருந்து வருகிறார். இப்போது அவர் விடுதலை படத்தை இயக்கி அந்த படம் ரிலீஸ் ஆன நிலையில் அடுத்து வாடிவாசல் திரைப்படத்தை இயக்க உள்ளார். அதையடுத்து கமல், விஜய் ஆகியோருக்கு கதை சொல்லியுள்ளதாகவும் ஏற்கனவே இயக்கி முடித்த வடசென்னை படத்தின் இரண்டாம் பாகத்தையும் இயக்க உள்ளதாக சொல்லப்படுகிறது. இந்நிலையில் இப்போது தெலுங்கு நடிகர் ஜூனியர் என் டி ஆருக்குக் கதை ஒன்றை சொல்லி அந்த படத்தையும் இயக்க உள்ளதாகவும் சொல்லப்படுகிறது.
இதுபற்றி அதிகாரப்பூர்வமற்ற தகவல்களே வெளியாகி வந்த நிலையில் இப்போது வெற்றிமாறன் அந்த படம் பற்றி பேசியுள்ளார். இதுபற்றி “ஜூனியர் என் டி ஆரோடு பேச்சுவார்த்தை நடப்பது உண்மைதான். ஆனால் அந்த படம் உருவாக காலம் எடுத்துக் கொள்ளும்” எனக் கூறியுள்ளார்.
