வலிமை படத்தின் சிங்கிள் பாடல் ஆகஸ்ட் 2 ஆம் தேதி ரிலீஸாகி ரசிகர்களிடம் நல்ல வரவேற்பைப் பெற்றது.
இயக்குனர் ஹெச்.வினோத் இயக்கத்தில், போனி கபூர் தயாரிப்பில் அஜித் நடித்த படம் வலிமை. இந்த படத்தின் பாடல்களுக்கு யுவன் சங்கர் ராஜா இசையமைத்திருந்தார். கடந்த இரண்டு ஆண்டுகளாக படத்திற்காக காத்திருந்த ரசிகர்களுக்கு விருந்தாக பிப்ரவரி 24 ஆம் தேதி ரிலிஸானது வலிமை. கலவையான விமர்சனங்களை பெற்றாலும் குடும்ப ரசிகர்கள் மற்றும் அஜித் ரசிகர்கள் படத்துக்கு அளித்த வரவேற்பால் நல்ல வசூலைக் குவித்து வருகிறது.
இந்நிலையில் இந்த படத்தில் அஜித்தின் அறிமுக பாடலாக அமைந்திருந்த வேற மாரி பாடலின் வீடியோ வெர்ஷன் சற்று முன்னர் இணையத்தில் வெளியாகியுள்ளது.
