வலிமை படத்தின் அப்டேட் எதுவும் வெளியாகுமா என ரசிகர்கள் ஆவலாகக் காத்திருக்கின்றனர்.
நடிகர் அஜித் நடிப்பில் எச்.வினோத் இயக்கி வரும் படம் ‘வலிமை’. இந்த படத்தை நேர்கொண்ட பார்வை படத்தை தயாரித்த போனி கபூரே தயாரிக்கிறார். இந்த படத்திற்கான அறிவிப்பு வெளியாகி ஒரு ஆண்டுக்கும் மேலாகிவிட்ட நிலையிலும் இதுவரை டைட்டில் போஸ்டரோ, ஃபர்ஸ்ட் லுக் போஸ்டரோ வெளியாகாமல் எந்த வித அப்டேட்டும் இல்லாமல் இருந்து வருகிறது. இந்த படத்தில் அஜித்துடன் ஹூமா குரேஷி மற்றும் கார்த்திகேயா ஆகியோர் நடித்து வருகின்றனர்.
இந்த படத்தின் முதல் லுக் பார்வை புத்தாண்டு அல்லது பொங்கலுக்காவது வெளியாகுமா என்ற எதிர்பார்ப்பு ரசிகர்கள் மத்தியில் எழுந்துள்ளது. ஆனால் அதற்கான வாய்ப்புகள் இல்லை என்றே தெரிகிறது. படக்குழுவினர் அஜித் இருக்கும் போஸ்டரை தயார் செய்து வைத்திருந்தாலும் இப்போது வெளியாக வாய்ப்பில்லை என சொல்லப்படுகிறது. கொரோனா தாக்கம் குறைந்து படப்பிடிப்பெல்லாம் முடிந்த பின்னர்தான் போஸ்டரை ரிலீஸ் செய்ய உள்ளதாக சொல்லப்படுகிறது.
