தமிழ் சினிமாவில் பாடல்கள் கோலோச்சிய காலத்தில் இரு பெரும் ஜாம்பவான்களாக வலம் வந்தவர்கள் இளையராஜாவும் வைரமுத்துவும். இவர்கள் இருவரும் இணைந்து பணியாற்றிய பாடல்கள் இன்றளவும் செவ்வியல் பாடல்களாக உள்ளன.
ஆனால் இருவரும் ஒரு கட்டத்தில் பிரிந்தனர். இருவருக்கும் இடையே ஏற்பட்ட கருத்து வேறுபாடுதான் இதற்குக் காரணம் என்று சொல்லப்பட்டது. திரைத்துறைய சேர்ந்த எத்தனையோ பேர் இருவரையும் மீண்டும் இணைத்து வைக்க முயன்றும் அது நடக்கவில்லை.
இந்நிலையில் இப்போது வைரமுத்து தன்னுடைய டிவிட்டர் பக்கத்தில் வெளியிட்டுள்ள வீடியோ ஒன்று கவனம் ஈர்த்துள்ளது. அதில் பாரதிராஜாவுக்காக இளையராஜாவின் தென்பாண்டி சீமையிலே பாடலின் மெட்டில் தானெழுதிய பாடலை பாடியுள்ளார் வைரமுத்து. இதை பார்த்த இளையராஜா- வைரமுத்து ரசிகர்கள் மயிர்கூச்செரிந்து அந்த வீடியோவைப் பகிர்ந்து வருகின்றனர்.
