எஸ்ரா என்றால் எழுத்தாளர் எஸ்.ராமகிருஷ்ணன் என நினைக்க வேண்டாம். தமிழகத்தில் அவரைத்தான் சுருக்கமாக எஸ்ரா என்று அழைக்கிறார்கள். இந்த எஸ்ரா பிருத்விராஜ் நடித்துள்ள மலையாளப் படம்.
சென்ற வாரம் சூர்யாவின் சி 3 படத்துடன் எஸ்ரா வெளியானது. பிருத்விராஜ் படத்தை சி 3 அடித்து வீழ்த்தும் என்று பலரும் நினைத்தவேளை, சி 3 படத்தைவிட அதிகம் வசூலித்துள்ளது எஸ்ரா.
இதற்காக நன்றி தெரிவித்திருக்கும் பிருத்விராஜ், படத்தின் கதையை பேஸ்புக், வாட்ஸ் அப்பில் பகிர்வதற்கு தனது எதிர்ப்பை பதிவு செய்துள்ளார். படம் பார்க்க விரும்புகிறவர்களுக்கு அந்த அனுபவத்தை இதுபோன்ற செயல்கள் கெடுக்கின்றன என அவர் கூறியுள்ளார்.
