அருண்ராஜா காமராஜ் இயக்கும் கனா படத்தில் சிவகார்த்திகேயனின் கதாபாத்திர பெயரை படக்குழு அறிவித்துள்ளது.
சிவகார்த்திகேயன் தயாரிக்கும் ‘கனா’ படத்தில் அவரும் ஒரு சிறப்புத் தோற்றத்தில் நடித்திருக்கிறார் . ஆனால், அது வெறும் சிறப்புத் தோற்றமாக இருந்தாலும் அது கதைக்கு மிக முக்கியமான கதாபாத்திரம் என்று ஏற்கெனவே இயக்குனர் அருண்ராஜா காமராஜ் அது பற்றி விளக்கினார்.
மகளிர் கிரிக்கெட்டை மையப்படுத்தி எடுக்கப்பட்டுள்ள `கனா’ படத்தை சிவகார்த்திகேயன் நண்பர் அருண்ராஜா காமராஜ் இயக்கியுள்ளார்.
ஐஸ்வர்யா ராஜேஷ் கதாநாயகியாகவும், அவருக்குத் தந்தையாக சத்யராஜும் நடித்திருக்கிறார்கள். இந்தப் படத்துக்கு சிவகார்த்திகேயன் மற்றொரு நண்பர் திபு நிணன் தாமஸ் இசையமைத்திருக்கிறார். சிவகார்த்திகேயன் கெஸ்ட் ரோலில் நடித்துள்ளார்.
இந்த படம் 21ம் தேதி வெளியாகிறது. இந்நிலையில் இந்த படத்தில் சிவகார்த்திகேயனின் கதாபாத்திரப் பெயர் வெளியாகி உள்ளது. இதில் அவர் நெல்சன் திலீப் குமார் என்ற கதாபாத்திரத்தில் நடித்துள்ளார் என்ற அதிகாரபூர்வ தகவல் வெளிவந்துள்ளது.
