நடிகர் தனுஷ் நடிப்பில் உருவாகி வந்த திருச்சிற்றம்பலம் படத்தின் ஷூட்டிங்கை முடித்துள்ளார் தனுஷ்.
தனுஷ் நடிப்பில் மித்ரன் ஜவஹர் இயக்கத்தில் திருச்சிற்றம்பலம் என்ற திரைப்படம் உருவாக இருப்பதாக சன் பிக்சர்ஸ் நிறுவனம் அறிவித்திருந்தது. இந்த படத்தில் ப்ரியா பவானி சங்கர், நித்யா மேனன் மற்றும் ராஷி கண்ணா ஆகிய மூன்று நாயகிகள் நடிக்கின்றனர். ஏற்கனவே சென்னையிலும் பாண்டிச்சேரியிலும் இரண்டு கட்ட படப்பிடிப்பு நடந்து முடிந்துள்ள நிலையில் மூன்றாம் கட்ட படப்பிடிப்பு இப்போது புதுக்கோட்டையில் நடந்து வந்தது.
இந்நிலையில் படத்தின் தான் சம்மந்தப்பட்ட காட்சிகளை முடித்துள்ளாராம் தனுஷ். அதையடுத்து இப்போது அவர் கார்த்திக் நரேன் இயக்கும் படத்தின் படப்பிடிப்புக்காக கிளம்ப உள்ளார். அந்த படத்தில் 10 நாட்கள் நடித்ததும் மொத்த படப்பிடிப்பும் முடிகிறதாம். அதன் பின்னர் செல்வராகவன் படத்தில் அவர் நடிப்பார் என சொல்லப்படுகிறது.
திருச்சிற்றம்பலம் மொத்தப் படமும் முடிந்து விட்டாலும் இப்போதைக்கு ரிலீஸ் இல்லையாம். அடுத்த ஆண்டு ஏப்ரல் மாதம்தான் ரிலீஸ் செய்யும் முடிவில் சன் பிக்சர்ஸ் நிறுவனம் உள்ளதாக தெரிகிறது.
