உலகம் முழுவதும் அதிகமான ரசிகர்களை கொண்ட ஹாலிவுட் இயக்குனர்களில் முக்கியமானவர் கிறிஸ்டோபர் நோலன். இவர் இயக்கிய டார்க் நைட் ட்ரைலாஜி, இன்செப்ஷன், இண்டெஸ்டெல்லார் உள்ளிட்ட படங்களுக்கு தமிழகத்திலுமே ஏராளமான ரசிகர்கள் உள்ளனர். தற்போது முதன்முறையாக வரலாற்று இதிகாச படத்தை இயக்குகிறார் நோலன். இதில் மேட் டேமன் கதாநாயகனாக நடிக்கிறார்.
ஹாலிவுட்டில் பெரும்பாலும் கிராபிக்ஸ் தொழில்நுட்பம் பயன்படுத்தப்படும் நிலையில், நோலன் அதற்கு முற்றிலும் நேரெதிரானவர். அவருக்கு கிராபிக்ஸ் காட்சிகளை பயன்படுத்துவது பிடிக்காது என்பதால் அவர் படங்களில் பல காட்சிகளை ஒரிஜினலாகவே படமாக்குவார். தற்போது ஒடிசிக்காக பிரம்மாண்டமாக ஒரு நகரையே அவர் உருவாக்கியுள்ளார்.
இந்த படம் அடுத்த ஆண்டு ஜூன் மாதம்தான் ரிலீஸாகிறது. இந்நிலையில் ஒரு ஆண்டுக்கு முன்பே டிக்கெட் முன்பதிவு தொடங்கியது. இந்த முன்பதிவின் மூலமாக மட்டும் 130 கோடி ரூபாய் அளவுக்கு வசூலித்துள்ளது ஒடிசி. இதனால் இந்த படம் ரிலீஸாகும் போது பெரியளவில் வசூலிக்கும் என எதிர்பார்க்கப்படுகிறது.
