தமிழ் சினிமாவில் இயக்குனராகவும், நகைச்சுவை நடிகராகவும் அறியப்படுபவர் தம்பி ராமையா. இவர் இயக்கத்தில் வடிவேலு நடிப்பில் உருவான இந்திரலோகத்தில் நா அழகப்பன் திரைப்படம் கவனத்தைப் பெற்றது. அதன் பின்னர் மைனா படம் மூலமாக முன்னணி நடிகராகிவிட்ட இவர் தொடர்ந்து நடித்து வருகிறார்.
இந்நிலையில் இப்போது அவர் கதை, திரைக்கதை, வசனம், இசை மற்றும் பாடல்கள் எழுதி ராஜாக்கிளி என்ற படத்தில் சமுத்திரக்கனியுடன் இணைந்து நடித்துள்ளார். இந்த படத்தை உமாபதி ராமையா இயக்கியுள்ளார்.. இந்த படத்தை மாநாடு படத்தின் தயாரிப்பாளர் சுரேஷ் காமாட்சி தயாரித்துள்ளார்.
ஷூட்டிங் முடிந்து சில மாதங்கள் ஆன நிலையில் இப்போது இந்த படத்தின் ரிலீஸ் தேதி அறிவிக்கப்பட்டுள்ளது. படம் வரும் நவம்பர் 29 ஆம் தேதி ரிலீஸ் ஆகும் என அறிவிக்கப்பட்டுள்ளது. விரைவில் படத்தின் டிரைலர் ரிலீஸாகும் என எதிர்பார்க்கப்படுகிறது.
