நடிகர் சரத்குமார் தற்போது தளபதி 66 படத்தில் முக்கிய வேடத்தில் நடித்து வருகிறார்.
தளபதி விஜய் நடித்து வரும் தளபதி 66 படத்தின் படப்பிடிப்பு சமீபத்தில் தொடங்கிய நிலையில் இரண்டாம் கட்ட படப்பிடிப்பு தற்போது இன்று மீண்டும் தொடங்க உள்ளது. இன்றைய படப்பிடிப்புக்காக விஜய் ஹைதராபாத் செல்ல விமான நிலையம் வந்த காட்சிகளின் புகைப்படங்கள் சமூக வலைதளங்களில் வைரலாகி வருகிறது.
தமிழ் தெலுங்கு ஆகிய இருமொழிகளில் உருவாகும் இந்தப் படத்தை வம்சி இயக்கி வருகிறார் என்பதும், தில் ராஜூ தயாரித்து வருகிறார் என்பதும் தமன் இசையமைத்து வருகிறார் என்பது குறிப்பிடத்தக்கது. இப்போது படப்பிடிப்பு ஐதராபாத்தில் நடந்து வருகிறது. இந்நிலையில் இந்த படப்பிடிப்பில் கலந்துகொண்டு வரும் நடிகர் சரத்குமார் “நீண்ட நாட்களுக்குப் பிறகு கொரோனா பாதிப்பு மற்றும் கால் அறுவை சிகிச்சைக்குப் பின்னர் நான் மீண்டும் ஜிம்முக்கு வருகிறேன். தளபதி 66 படப்பிடிப்புக்காக ஐதராபாத்தில் உள்ள ஹோட்டலில்” எனக் கூறியுள்ளார்.
