ஹரி இயக்கத்தில் சூர்யாவின் எஸ் 3 படம் ஒரு வழியாக ஜனவரி மாதம் 26ம் தேதி வெளியாக உள்ளது. இப்படத்தில் சூர்யா, அனுஷ்கா, ஸ்ருதி ஹாஸன் உள்ளிட்டோர் நடித்துள்ளனர். எஸ் 3 டிசம்பர் மாதம் 16ம் தேதி ரிலீஸாகும் என்றார்கள். அதன் பிறகு ரிலீஸ் தேதியை டிசம்பர் 23ம் தேதிக்கு ஒத்தி வைத்தார்கள்.
இந்நிலையில் தற்போது எஸ் 3 படம் நிச்சயமாக ஜனவரி மாதம் 26ம் தேதி ரிலீஸாகும் என்று அதிகாரப்பூர்வமாக அறிவிக்கப்பட்டுள்ளது. இதற்கிடையே எஸ் 3 பொங்கலுக்கு ரிலீஸாகும் என்று கூறப்பட்ட நிலையில் ரிலீஸ் தள்ளிப் போனது பெரிய நன்மைக்கு என்று சூர்யா ட்விட்டரில் தெரிவித்திருந்தார்.
26ம் தேதி குடியரசு தினத்தை முன்னிட்டு விடுமுறை, வெள்ளி ஒரு நாள் பணி நாள், அடுத்து சனி, ஞாயிறு விடுமுறை. இதை வைத்து வசூலை அள்ளவிடலாம் என்று நினைத்திருப்பார்கள் போல, எஸ் 3 படம் தமிழ் மற்றும் தெலுங்கிலும் ஒரே நாளில் வெளியாக உள்ளது என்பது குறிப்பிடதக்கது.
