மின்னல் வேகத்தில் நடந்து முடிந்த சூர்யா 42 முதல் கட்ட ஷூட்டிங்!

சூர்யா தற்போது இயக்குனர் சிவா இயக்கும் புதிய படத்தில் நடித்து வருகிறார்.

பல ஆண்டுகளுக்கு முன்பே இயக்குனர் சிவா –சூர்யா கூட்டணியில் ஒரு படத்துக்கான பேச்சுவார்த்தைத் தொடங்கியது. ஆனால் சிறுத்தை சிவாவுக்கு அப்போது அஜித்தை இயக்கும் வாய்ப்பு கிடைத்ததால் அந்த படம் தள்ளிப்போனது. அதன் பின்னர் 8 ஆண்டுகளுக்கும் மேலாக இருவரும் இணைய வாய்ப்பே கிடைக்கவில்லை. இந்நிலையில் இப்போது அண்ணாத்த படத்தை முடித்துள்ள நிலையில் சிறுத்தை சிவா சூர்யா நடிக்கும் படத்தை இயக்கி வருகிறார்.

சில நாட்களுக்கு முன்னர் கோவாவில் இந்த படத்தின் முதல் கட்ட ஷூட்டிங் தொடங்கி நடைபெற்றது. இதையடுத்து இப்போது கோவா ஷூட்டிங் முடிந்துள்ளதாக அறிவிக்கப்பட்டுள்ளது. விரைவில் அடுத்த கட்ட ஷூட்டிங் தொடங்கும் என தெரிகிறது.