இயக்குநர் விக்னேஷ் சிவன் இயக்கத்தில் சூர்யா நடிப்பில் வெளியான தானா சேர்ந்த கூட்டம் என்ற படம் சூர்யாவுக்கு மிகப்பெரிய தோல்விப்படமாக அமைந்தது. சமீபத்தில் செல்வராகவன் இயக்கத்தில் சூர்யா நடிப்பில் வெளியான என்.ஜி.கே கல்லா கட்ட தவறியதுடன், ரசிகர்களின் எதிர்பார்ப்பை பூர்த்தி செய்யாததால் மிகப்பெரிய தோல்விப்படமாக அமைந்தது.
தெலுங்கு சினிமாவில் சூர்யாவுக்கு என்று தனி மார்கெட் உள்ளது. தெலுங்கு நடிகர்களுக்கு உண்டான மார்கெட் சூர்யாவுக்கு இருந்த நிலையில் என்.ஜி.கே படம் அந்த மார்கெட்டை கெடுத்துவிட்டதாகத் தகவல்கள் வெளியாகிறது. அதனால் இழந்த மார்கெட்டை மீட்கும் முயற்சியில் சூர்யா முயற்சி மேற்கொண்டு வருகிறார்.
தற்போது கே.வி ஆனந்த இயக்கத்தில் ,நடிகர் மோகன்லால் , ஆர்யாவுடன் , சூர்யா நடித்துக் கொண்டுள்ளார். இப்படத்திற்கு தமிழில் காப்பான் என்றும், தெலுங்கில் பந்தோபஸ்த்' (BANDOBAST) என்ற பெயரில் டப்பிங் செய்யப்படுவதாகத் தெரிகிறது. இதில் சூர்யா தன் சொந்த குரலில் டப்பிங் பேசவுள்ளார்.
மேலும் இப்படம் தமிழில் வெளியாகும் அன்று தெலுங்கிலும் ரிலீஸாக உள்ளது. சமீபத்தில் பந்தோபஸ் என்ற பர்ஸ்ட் லுக் போஸ்டரை இயக்குநர் ராஜமௌலி வெளியிட்டது குறிப்பிடத்தக்கது.
