பிரபல ஸ்டண்ட் இயக்குனர் பீட்டர் ஹெயின் ஆக்சன் படத்தில் ஹீரோவாக நடிக்கவுள்ளார்.
இந்திய சினிமாவின் பிரபல ஸ்டண்ட் இயக்குனராக அறியப்படுபவர் பீட்டர் ஹெயின். இவர், மின்னலே, ரன், அரசு, காக்க காக்க, திருமலை, அந்நியன், ஆதி, கஜினி( இந்தி) மகதீரா உள்ளிட்ட பல ஹிட் படங்களுக்கு ஸ்டண்ட் இயக்குனராக பணியாற்றி சண்டை காட்சிகளில் ரசிகர்களை கவரும்படி இயக்கியுள்ளார்.
இந்த நிலையில், ட்ரெண்ட்ஸ் சினிமாஸ், எம்டி.சினிமாஸ், ஏ.எம். தயாரிப்பில், இயக்குனர் மா. வெற்றி இயக்கவுள்ள ஆக்சன் படத்தில் பீட்டர் ஹெயின் ஹீரோவாக நடிக்கவுள்ளார்.
இந்த நிலையில், இப்படத்திற்கு இசையமைக்க ஏ.ஆர்.ரஹ்மானை படக்குழு அணுகவுள்ளதாகவும், இப்படத்தில் முன்னணி நடிகர்கள் மற்றும் தொழில்நுட்ப கலைஞர்கள் பணியாற்ற வாய்ப்புள்ளதாக கூறப்படுகிறது.
பிரபல ஸ்டண்ட் இயக்குனர் பீட்டர் ஹெயின் முதன்முறையாக ஹீரோவாக நடிக்கவுள்ள படத்திற்கு ரசிகர்கள் மத்தியில் எதிர்பார்ப்பு எழுந்துள்ளது. ஹாலிவுட் பாணியில் இப்படத்தை உருவாக்க திட்டமிட்டுள்ளதாக படக்குழு தெரிவித்துள்ளது.
