சலார் 2 படத்தில் இணைந்த தென்கொரிய பிரபல நடிகர்!

பிரபாஸ், ஸ்ருதிஹாசன், ஜெகபதி பாபு மற்றும் பிருத்விராஜ் நடித்த சலார் படத்தின் மீது எதிர்பார்ப்பு அதிகமாக இருந்தது. அதற்கு முக்கியக் காரணம் இந்த படத்தை இயக்குவது கே ஜி எஃப் இயக்குனர் பிரசாந்த் நீல் என்பதுதான்.  ஆனால் ரிலீஸுக்குப் பின் நடந்ததுதான் எதிர்பாராதது. படம் கடுமையான எதிர்மறை விமர்சனங்களைப் பெற்றது.

முதல் பாகத்தின் தோல்வியால் இரண்டு பாகங்களாக உருவான சலார் படத்தின் இரண்டாம் பாகத்தின் ரிலீஸ் தேதி இதுவரை அறிவிக்கப்படவில்லை. சலார் முதல் பாகத்தின் தோல்வியால் இரண்டாம் பாகத்தை கைவிடப்போவதாக ஒரு தகவல் வெளியாகி பரபரப்பை ஏற்படுத்தியது. ஆனால் படக்குழு அதை மறுத்தது. சலார் 2 படத்தில் இன்னும் சில காட்சிகள் படமாக்கப்பட வேண்டியுள்ளதாக தகவல்கள் வெளியாகின.

இந்நிலையில் சினிமா ரசிகர்களுக்கு நன்கு பரிச்சயமான தென்கொரிய நடிகரான டான் லீ சலார் 2 படத்தில் நடிக்க வுள்ளதாக தகவல்கள் பரவி வருகின்றன. அந்த தகவலை உறுதிப் படுத்துவது போல டான் லி தன்னுடைய இன்ஸ்டாகிராம் பக்கத்தில் சலார் 2 படத்தின் போஸ்டரைப் பகிர்ந்து, எதிர்பார்ப்பை எகிற வைத்துள்ளார்.