சிவகார்த்திகேயன் நடிப்பில் ‘இன்று நேற்று நாளை’ இயக்குனர் ரவிகுமார் இயக்கி வரும் அயலான் படத்தின் படப்பிடிப்பு தொடங்கப்பட்டு 3 ஆண்டுகளுக்கும் மேலாக நடந்து வருகிறது. இந்த படத்தில் சிவகார்த்திகேயன் மூன்று வேடத்தில் நடித்து வருவதாகவும் அதில் ஒரு வேடம் வேற்றுகிரக மனிதர் என்றும் சொல்லப்படுகிறது. இந்த படம் தொடங்கப்பட்டு கிட்டத்தட்ட 5 வருடங்களுக்கு மேலாகிவிட்டது.
இந்நிலையில் இப்போது இயக்குனர் ரவிக்குமார் மற்றும் நடிகர் சிவகார்த்திகேயன் இருவரும் இணைந்து மிகக் குறுகிய காலம் மற்றும் குறுகிய பட்ஜெட்டில் ஒரு படத்தை உருவாக்க பேச்சுவார்த்தை நடத்தி வருவதாக சொல்லப்படுகிறது. ரவிக்குமார் சூர்யா நடிப்பில் ஒரு படத்தை இயக்கவும் ஒப்பந்தம் ஆகியுள்ளார் என்பது குறிப்பிடத்தக்கது.
இந்நிலையில் அயலான் படத்தின் ரிலீஸ் பற்றி இப்போது சிவகார்த்திகேயன் அப்டேட் கொடுத்துள்ளார். அதன் படி “அயலான் படத்தின் மொத்த ஷூட்டிங்கும் முடிந்துவிட்டது. தற்போது கம்ப்யூட்டர் கிராபிக்ஸ் பணிகள் நடந்து வருகின்றன. இந்த ஆண்டு இறுதிக்குள் அயலான் படம் ரிலீஸ் ஆகும்” எனக் கூறியுள்ளார்.
